Gjilan – Gjykata Komunale në Gjilan e ka dënuar dhe shpallur fajtor dr.Elez Elezin për veprën penale marrja e ryshfetit.
Gjykata Komunale në Gjilan e ka shpallur aktgjykimin në rastin e dr.Elez Elezit i akuzuar për marrje ryshfeti. Kryetari i trupit gjykues Ramiz Azizi në aktgjykimin e tij ka shpallur fajtor duke e dënuar me pesë muaj burg.
Në arsyetimin e këtij aktgjykimi thuhet se Elezi është fajtor sepse më 22 maj 2012 në cilësinë e mjekut në spitalin e Gjilanit ka kërkuar përfitim pasuror-material duke kërkuar nga e dëmtuara L.H. nga Vitia fillimisht 10 euro për çdo raport specialistik.
Elezi ka lëshuar raport specialistik edhe për vëllain e të dëmtuarës edhe pse i njëjti fare nuk ka qenë në Kosovë.
Gjithashtu në arsyetim thuhet se i akuzuari dr.Elez Elezi e ka pranuar në tërësi aktakuzën dhe vullnetarisht ka pranuar fajësinë. Gjykata thuhet në aktgjykim ka marrë parasysh edhe si rrethanë lehtësuese sjelljen e sinqertë dhe të mirë të akuzuarit./rajonipress/
