Përzierja e alkoolit me pijet energjike me pasoja për shëndetin

Pasojat e përzierjes së alkoolit me pijet energjike shkaku i përzierjeve të pijeve energjike me alkool shfaqen simptoma të helmimit që e shkaktojnë aritminë në zemër, pastaj pagjumësinë, si dhe plogështinë.

Njerëzit që i përziejnë pijet energjike me alkool gjashtë herë më shumë kanë dridhje të zemrës, në krahasim me ata persona që konsumojnë pije tjera alkoolike. Këtë e ka vërtetuar studimi i universitetit në Australi, në të cilin kishin marrë pjesë më shumë se 400 njerëz.

Pos kësaj, ata katër herë më shumë kanë probleme me pagjumësinë, dridhjen e duarve dhe nervozizmin. Rrahjet e tilla të zemrës, të cilat përshpejtohen dhe janë rrahje jo të rregullta të zemrës, mund të shkaktojnë humbjen e vetëdijes, si dhe ta shkurtojnë frymëmarrjen.

Këto simptoma janë të ngjashme sikur helmimi me kafeinë, që është njëri nga përbërësit kryesor të pijeve energjike. /Telegrafi/

Shpërndaje.
© RAJONIPRESS