Përzgjedhësi Adil Maliqi i lumtur për fitoren kundër Ukrainës

Përzgjedhësi i Kombëtares së Kosovës U19, Adil Maliqi, ka deklaruar se është shumë i kënaqur më futbollistët e tij, pas takimit që “Dardanët” U19, mposhtën Ukrainën me rezultat 4:0.

Përzgjedhësi Maliqi, fitoren ia ka dedikuar futbollistëve të tij e popullit të Kosovës. “Jam i lumtur me këtë fitore si për nga rezultati poashtu edhe angazhimin të cilin e treguan futbollistët gjatë 90 minutave, është një fitore që na hapë dyert drejt Irlandës së Veriut. Në ndeshjen e fundit ndaj Maltës të cilën e zhvillojmë të martën me 21 nëntor, alternativë tjetër nuk kemi pos fitores, dhe do të jemi kryesues në Grupin e shtatë. Këtë fitore ia dedikoj futbollistëve e popullit të Kosovës”.

Në ndeshjen e pare Kosova kishte barazuar me Sllovakinë me rezultat 1:1, ndërsa në ndeshjen e dytë mposhti Ukrainën me rezultat 4:0, ndërsa në ndeshjen e fundit me 21 nëntor do të takohet me Maltën.