Përurohet Rruga Dajkoc – Bllatë – Topanicë, nis rruga Muqiverc – Krenidell

Kamenicë – Sot është përuruar rruga Dajkoc – Bllatë – Topanicë e investuar nga Ministria e Infrastrukturës dhe Komuna e Kamenicës. 

Në këtë përurim Kryetari Sinani ka falënderuar ish Ministrin Fehmi Mujota, Ministrin Lutfi Zharku për realizmin e këtij projekti. Ministri Zharku në anën tjetër ka uruar banorët e kësaj zone për rrugën e re dhe ka vlerësuar se kjo rrugë do të jetë një mundësi më shumë për zhvillimin ekonomik të Kamenicës.

Ka filluar edhe asfaltimi i rrugës Muqiverc – Krenidell

Në prezencën e Ministrit Lutfi Zharku, Kryetarit Begzad Sinani, Zëvendësministrave Fehmi Mujota e Hanefi Muharremi,Nënkryetarit Fatmir Matoshi, zyrtarëve komunal e të Ministrisë së Infrastrukturës dhe qytetarëve të kësaj zone kanë filluar punimet në asfaltimin e rrugës Muqiverc – Kranidell.

Ministri Zharku e ka vlerësuar këtë projekt si të rëndësisë së veçantë për Kamenicën dhe është zotuar se ai do të përfundojë sipas planit dinamik.

Kryetari Begzad Sinani ka thënë se është I kënaqur me realizimin e kërkesës së Komunës së Kamenicës nga ana e ministrisë, dhe e ka falënderuar Ministrin Zharku për bashkëpunimin e sinqertë.

“Kjo rrugë ka një rëndësi të posaçme për Kamenicën, do të ndikojë në zhvillimin e sektorit të bujqësisë, pemëtarisë dhe blegtorisë dhe poashtu do të lehtësojë në masë të madhe jetesën e banorëve të këtyre anëve” tha kryetari Sinani,
Rruga 12 kilometra e gjatë do të kushtojë 1 milion e pesëdhjetëmijë euro./rajonipress/