Përqindja e tatimit në pronë kriter për investime

Gjilan – Banorët e Kabashit duke përcaktuar prioritet e investimeve në të ardhmen kërkuan që të rregullohen rrugët bujqësore,të lagjeve por edhe të vendoset rrethoja e shkollës së fshatit pasi sipas tyre rrethoja e tanishme nuk është funksionale.

Udhëheqja komunale e Vitisë nuk e ka pasur problem që debatin me banorët e kabashit ta mbajë në xhamin e fshatit dhe ballë për ballë të dëgjojnë hallet dhe preokupimet e tyre.

Abdyl Bajrami në një takim të hapur me banorët e Kabashit tha se po diskutojmë bashkërisht me sa më shumë banorë lidhur me planifikimin e buxhetit për vitin 2013-2015 meqë nga këto debate mund ti marrim prioritet e banorëve të fshatit tuaj për investimet kapitale në të ardhmen.

Islam Jashari Drejtor i Ekonomisë Financave dhe Zhvillimit paraqiti ekzekutimin e buxhetit për 6 mujorin e parë duke theksuar se buxhetit i Komunës së Vitisë për vitin 2012 është 8.065.000.00€ ku prej tyre mbi 5 milion janë për paga ndërsa për investimet kapitale janë të ndara 1.076.000.00€.

Jashari tha se për vitin 2013 buxheti për investime kapitale do të shënoj rritje për 215mijë euro. Duke folur për projektet të fituara nga donatorët ai përmendi projektin për ndërrimin e dyerve dhe dritartëve të shkollës së këtij fshati ku vlera e saj është prej 50 mijë euro.

Jashari tha se kanalizimi në fshatin Kabash do të filloj se shpejti. Ndërsa theksoi se për vitin 2013 është paraparë projekti i asfaltimit të rrugës Kabash-Varrezat e dëshmorëve .

Ndërsa Banorët e këtij fshati kërkuan që Komuna të marrë parasysh pagesën e tatimit në pronë si kriter kryesor për investime kapitale. Ndërkaq Drejtori Jashari sqaroi se Komuna e Vitisë ka vendosur gjatë këtij viti përmes një dokumenti ku përqindja e tatimit në pronë të merret si kriter kryesor për përcaktimin e investimet kapitale me qëllim që parat e tatim paguesve të ju kthehen qytetarëve përmes investimeve kapitale.

Banorët e Kabashit duke përcaktuar prioritet e investimeve në të ardhmen kërkuan që të rregullohen rrugët bujqësore,të lagjeve por edhe të vendoset rrethoja e shkollës së fshatit pasi sipas tyre rrethoja e tanishme nuk është funksionale.

Ndonëse banorët e pranojnë se janë bërë disa investime në këtë fshat ata prapë theksojnë se nevojat janë akoma më të mëdha. /rajonipress/