Përlotet Berisha: Ishte tragjedi kombëtare

Kryeministri Sali Berisha është përlotur, ndërsa ka bërë homazhe në ambientet e Universitetit “Aleksandër Xhuvani” në Elbasan në nderim të 13 studentëve që humbën jetën gjatë aksidentit rrugor në Himarë.

Kryeministri e quajti tragjedi kombëtare ngjarjen, ndersa shprehu ngushëllimet familjarëve dhe prindërve të viktimave, ku garantoi se do të bëhet gjithçka që plagët e të plagosurve të mbyllen sa më mirë.

“Uroj që shpirti i tyre të gjejë paqen e merituar. Familjarët dhe prindërit të gjejnë forcën për të përballuar këtë dhimbje të tmerrshme, të rëndë. I lutem zotit që të plagosurit të shërohen sa më shpejt, sikundër i garantoj që do bëjmë gjithçka që plagët e tyre të mbyllen sa më mirë. Ngushëllimet më të thella”, tha kryeministri Berisha, transmeton “Panorama’.

Kryeministri Berisha është kthyer vetëm pak orë më parë nga Shtetet e Bashkuara të Amerikës, ku po qëndronte në kuadër të Samitit të NATOS-s në Çikago. /Telegrafi/