Përlepnica dhe fermani i telallit për “miletin”!

Nga Veton Nevzadi, banorë i Përlepnicës- Shpresoj që ma fal Behxhet Shala që kësaj here po shkruaj si ai me “kopalla” sepse pleqtë e kësaj ane ktynihere kishin pas thanë qysh asht vendi bahet kuveni. Edhe Migjeni, jo ai i Recitalit të Malësorit, por ky që po flet e shkruan në gegnishte mos t’a marrin për t’madhe nëse gjuha dikund m’bahet remiks edhe me tosknisht.

Kohëve të fundit në këto anë na ka dalë një babaxhan&llafazan (prej nga nuk e di) qe ka fillue me na kallxue Kuvendi i Gilanit nji ditë qysh ju paska diftue. E paska nisë nji ferman defektet “miletit” për me ja kallxue qysh aty puna kurrqysh qysh don ai nuk asht tuj shkue.

E ka vetëm një sugjerim për të parin e kuvendit që anëtarët e tij që i ka zgjedhe kjo “nahi” herën tjetër me “kismet” ti njehin me ma shum “marifet”, sepse kjo ving-e-ving disi po duket si pa kuptim për atë që asht në vëzhgim. Edhe mos të bahet Zot i mbledhjes sepse diqysh si kurqysh “haberin” me lanë pa muhabet se kshtu nuk paska shumë lezet.

O burrë i dheut, nuk kanë kohë me të pritë se shpejt kanë me hapë agjensia, me dhanë shfaqjen para “miletit” e me përpjekje ndërmjet veti dojnë me marr me edhe me dhunë pushtetin. Për zgjedhje nuk lodhen fare sepse politikën e kanë për ideale, madje një herë moti u patën betuar që ata kurr nuk janë për t’u votuar. M’duket që këtë tash e kanë harruar!

Ishalla motin e përcjellin t’mirat e nuk kemi shumë bubullimia! Apo duhet me pyet Sylë Tahirsylën se ai i pari jep “myzhde”. Se për çudinë e tyre politike n’Gilan verës asht nxehtë e dimrit bahet mjaft ftoft e bjen borë!

Madje edhe dëmet ekologjike kanë fillu me iu ba elegjike. Se pak halle tjera kanë njerëzia dhe reporteri nga Olimpia ka fillu t’a qanë hallin e milingonave që sivjet paskan pas dame nga zjarret, madje ma shumë se n’Francë, Itali e në Spanjë. Krejt kjo sipas standardeve të ndigjuara prej ndonjë seminaristi, e pse jo nga google search-i.

Fermani edhe me një qëllim tjetër ishte nisë me vnu sherrin mes vllaznisë. Ku ashtu? N’Përlepnicë! Paska harru ai i shkretë që këtë punë qe pesqind vjet nuk ka mund me ba as krajl, e as mbret. E për qëllime hyjnore mundet me i shkru në ndonjë fletore për me i mbajtë fshehtë diku sepse nuk i dihet kohës së sotit e prej andrrës së jetës s’hiqet dorë lehtë.

Faik Konica ka pas thanë: “Ati ynë që je në qiell, jepna fuqinë të mbajmë gojën mbyllur kur s’kemi gjë për të thënë”, sepse pastaj u përzihen fjalët e s’dimë cka flasin kur përmendin edhe Llashticë e Velekincë, Malishevë e Zhegër, Bresalc, Livoq, Pograxhë, Uglar, Miresh e Cerrnicë…

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).