Përkujtohet Rahim Beqiri ”Roki”

Kamenicë – Sivjet ishte përvjetori i 16 kushtuar komandant Rahim Beqiri – Roki. Pos fshatarëve të fshatit Kopernicë, merrnin pjesë edhe veteran të tri luftërave të UÇK-së nga gjitha trojet shqiptare, anëtarë të familjeve të dëshmorëve, ish ushtar të komandantit, dhe të tjerë që kishin ardhur për ta nderuar figurën e Komandant “Roki-t”.

“Roki” ra dëshmor për mbrojtjen e të drejtave të shqiptarëve të Maqedonisë, prandaj tetovarët gjithherë e kanë nderuar dhe respektuar figurën e komandantit të tyre.

Për figurën e këtij luftëtari folën: bashkëfshatari i tij, Ali Hoxha, kryetari i komunës Begzad Sinani, dhe ish Komandanti i Zonës së Karadakut Ahmet Isufi. Të gjithë diskutuesit e çmuan lartë angazhimin, trimërinë, guximin, heroizmin, patriotizmin dhe sakrificën e Komandant” Roki-t”.

Rahim Beqiri, ishte i plagosur rëndë në Drenovec të Tetovës, dhe në rrethana lufte transferohet në spital të Prishtinës, me gjithë angazhimin e stafit mjekësor nuk arriti të mbijetonte pasi që plagët e marra ishin të rënda.

Rahim Beqiri ndërron jetë më 1 gusht të vitit 2001, ndërsa varroset më 2 gusht pranë shokëve të tij në varrezat e Dëshmorëve në Dardanë./rajonipress/