Gjilan – Me rastin e 34 vjetorit të vdekjes tragjike (vrasjes) së poetit Rexhep Elmazi, Ars Clubi “Beqir Musliu”, ka organizuar Homazhin poetik kushtuar këtij poeti të njohur.
Për jetën dhe veprimtarinë e Rexhep Elmazit kanë folur dr.Faik Shkodra,Mehmetali Rexhepi, derisa në kujtim të poetit janë recituar poezi.
Faik Shkodra tha se Rexhep Elmazi ishte poet i poezisë dhe i mendimit meditativ. S`i i tillë ky poet kishte talentin,guximin duke qëndruar e mos u dorëzuar asnjëherë para të gjitha sfidave e furtunave.
Mehmetali Rexhepi tha se Rexhep Elmazi ishte kalibër i një poeti model edhe për poetët e tjerë. Ishte i burgosur,disident dhe mbi të gjitha poet e mendimtarë i madh. “Për shkak të krijimtarisë së tij patriotike dhe atdhedashëse Rexhep Elmazin pushteti lëre që nuk e deshi fare ,por deshi ta zhbëjë”.Sipas Rexhepit djegia e dorëshkrimeve është një humbje e madhe për krijimtarinë shqiptare.
Në homazhin poetik kushtuar Rexhep Elmazit folën edhe Sabit Rrustemi,Albin Idrizi, Nexhat Rexha,derisa kanë recituar poezi nga autori Faton Mehmeti,Linditë Ramushi dhe Tahir Arifi./rajonipress/
