Përkrahet kandidatura e Rexhep Kadriut për kryetar nga vendlindja e tij

Gjilan – Nëndega e AAK-së në Përlepnicë mbështet fuqishëm kandidatin e nominuar për Kryetarë të degës së AAK-së ne Gjilan, Rexhep Kadriu i cili vjen nga po kjo nëndegë.

Kjo mbështetje u pa edhe në kuvendin VI-të zgjedhorë ku të pranishëm ishin rreth 200 delegatë te cilët unanimisht përkrahen kandidaturën e Kadriut për kryetarë dege, dhe njëkohësisht zgjodhën kryesinë e re të nëndegës në krye me Fidan Shaqirin i cili u zgjodh kryetar i nëndegës së AAK-së në Perlepnice njofton shërbimi për informim i AAK-së.

Përpos qytetarëve të shumtë të Perlepnices , në mbështetje të kandidatit për kryetar të degës së AAK-së ishte edhe Ahmet Isufi kryetar aktual i degës i cili para të pranishmëve dërgoi një mesazh dhe një mbështetje të fuqishme për Rexhep Kadriun.

Përveç Perlepnices janë mbajtur edhe takime të tjera të parapara sipas agjendës, të cilat u mbajtën në Arbëria I,II,III, dhe në nëndegën e Livoqit të poshtëm , ku vlen të theksohet se pati një pjesëmarrje masive edhe në këto nëndegë, gjë që len të kuptohet se ka një interesim të madh të anëtarëve të rinj që dëshirojnë t`i bashkohen Aleancës për Ardhmërinë e Kosovës thuhet në komunikatën e degës së AAK-së në Gjilan./rajonipress/