Përfundon shkollën gjenerata e dytë e maturantëve në Medvegjë

Medvegjë- Gjenerata e dytë, pas hapjes së shkollës së mesme “Nikolla Teslla” me mësim në gjuhën shqipe në Medvegjë, ka përfunduar shkollën.

Klasa e cila nuk numëron shumë maturant, të premten ka mbajtur mbrëmjen e maturës. Ndonëse mbrëmjen e kanë mbajtur së bashku me klasat ku mësimi zhvillohet në gjuhën serbe, me iniciativë të nxënësve shqiptar të përkrahur fuqishëm nga profesorët e në veçanti nga kujdestari i tyre prof.Gani Krasniqi, kësaj radhe, për herë të parë kishte edhe këngë e valle në gjuhën shqipe ndërsa mjetet muzikë në shumë prej 150 eu, përmes komunës, i kishte siguruar zëvendëskryetari i komunës z.Florim Sahiti.

Kujdestari i tyre shprehet tejet i kënaqur me sukseset e nxënësve të ti, ndërsa ka shfaqur shpresën që ata do të kenë mundësi të i vijojnë mësimet e mëtutjeshme. Në një prononcim për medvegja.net thotë,, Po kjo është gjenerata e dytë të cilën unë e përcjell,5 janë me sukses te shkëlqyeshëm,tre të shumë mirë ,dy të mirë e një vjen në provim klasor për shkak të mungimi i arsyeshëm nga shkolla.Perndryshe jam shumë i kënaqur me qasjen e tyre ndaj procesit edukativo-arsimor në njërën anë e në an[n tjetër shkollimi i mëtutjeshëm i tyre në Medvegjë me përkthyes simultan në shekullin e 21-të nuk është në rregull. Në mbrëmje të maturës për herë të parë u këndua shqip dhe kjo na bëri të kënaqemi edhe me tepër’’ka përfunduar prof.Krasniqi.

Maturantja Florentina Rama kishte dhënë idenë për të siguruar këngëtarin Besim Sahiti, gjë të cilën e kishin përkrahur edhe maturantët tjerë. E njëri nga maturantët, Petrit Krasniqi shpreh besimin se do të i vazhdoj studimet në fakultetin Ekonomik dhe do të kthehet të i kontribuoj Medvegjës./medvegjanet/