Përfaqësueset e Fondacionit “Fëmijët e Kosovës”, vizituan Gjilanin

Gjilan – të premten kryetari i Komunës Qemajl Mustafa ka pritur në një takim zyrtar, Lumnije Thaçi, presidente e Fondacionit “Fëmijët e Kosovës”, e shoqëruar nga Arbërie Demaçi-drejtoreshë e Fondit dhe Ganimete Musliu, deputete e Kuvendit të Kosovës.

Ato e njoftuan kryetarin e Komunës me qëllimin e fondacionit për fëmijët me autizëm dhe poashtu kërkuan ndihmën e kryetarit për sigurimin e një zyreje për nevojat e fondacionit, ku do të punësohej një punëtore e cila do të merret me grumbullimin e shënimeve për fëmijët me nevoja të veçanta.

Me këtë rast, Kryetari i Komunës i ka falënderuara përfaqësueset e këtij fondacioni për misionin e tyre human, ndërsa ka premtuar mbështetje nga ana e tij për hapjen e një zyreje për nevoja të fondacionit këtu Gjilan për fëmijët me nevoja të veçanta.

Në takim morën pjesë edhe deputetja e Kuvendit të Kosovës, Salije Mustafa ,dhe drejtorët komunal, Xhemajl Salihu e Bujar Nevzati ./rajonipress/