Përfaqësues të Helvetas vizitojnë komunën e Novobërdës

Gjilan – Kryetari i Komunës së Novobërdës Bajrush Ymeri priti në takim Luan Hotin, Mimoza Mirashi, përfaqësues të HELVETAS-Swiss Intercooperation dhe Fitim Bunjakun Menaxher i Qendrës së Turizmit Rural Novobërdë.

Qëllimi i këtij takimi ishte që përfaqësuesit e Projekti HELVETAS – Swiss Intercooperation që ta prezantojnë projektin “ Aftësitë për Punësim Rural(APR-së)”.

Luan Hoti theksoi se ky projekt ka për qëllim zvogëlimin e varfërisë në zonat rurale të Kosovës, përmes rritjes së mundësive për punësim dhe rritjes së të ardhurave. Komunat përfituese të këtij projekti janë komuna e Novobërdës,Kamenicës, Dragash dhe Shtërpcës. Projekti i APR-së, synon përfshirjen e gjithë komunitetit, për të trajtuar problemet dhe vështirësitë e papunësisë.

Sipas tij, në këtë projekt përdoren tri strategji kryesore të ndërhyrjes si: Ngritjen e kapaciteteve të të rinjve të papunë meshkuj dhe femra, prej moshës 16- 30 vjeç, përmes programeve të trajnimit dhe ngritjes së aftësive, të lidhura me mundësitë e sektorit privat. Bashkëpunimi me bizneset ekzistuese për të rritur punësimin dhe të ardhurat nëpërmjet zhvillimit të aftësive dhe të biznesit dhe ndërlidhja e furnizuesve të vetë-papunësuar të lëndës së parë ( bujqësore dhe tjera), me blerësit vendorë dhe rajonal.

Kryetari i komunës Bajrush Ymeri i përshëndeti të pranishmit dhe shtoi:Ne jemi shumë mirënjohës për qeverinë Zvicerane dhe në këtë rast për organizatën HELVETAS Swiss Intercooperation në Kosovë që kanë përzgjedhë komunë e Novobërdës për ta përkrahur me këtë projekt .

“Ne jemi shumë të përkushtuar që të ndikojmë në zhvillimin ekonomik dhe sigurisht që përmes këtij projekti do të ndikohet në zbutjen e papunësisë. Jemi komunë me territor rural dhe mendojë që përmes projektit Aftësitë për Punësim Rural qytetarët tanë do ta kenë mundësinë që të zhvillojnë bizneset e tyre” u shpreh Kryetari Ymeri.

Ndërsa Fitim Bunjaku Menaxher i Qendrës së Turizmit Rural tregoi për grupmoshat të cilët mund të kyçen në këtë projekt ku ai tha se ky projekt do të jetë i mirëpritur nga të gjithë,pasi që do të jetë një mundësi shumë e mirë për avancimin e tyre.

Ky projekt do të zbatohet nga viti 2013, deri në vitin 2015 dhe financohet nga HELVETAS Swiss Intercooperation, përmes departamentit për mbledhjen e fondeve, si dhe fondacionet private Julius Baer ( Zvicër), dhe Medicos ( Lihtenshtajni)./rajonipress/