Për gjashtë javë 9 të plagosur nga armët nëpër ahengje

Për afro gjatë javë, janë plagosur nëntë persona në Kosovë si pasojë e shkrepjeve me armë gjatë ceremonive festive.

Të dhënat policore bëjnë të ditur se gjatë kësaj periudhe kohore janë arrestuar 58 persona, të cilët kanë shkrepur me armë zjarri në ajër gjatë ahengjeve, raporton koha.

Nga 9 korriku e deri më 19 gusht, Policia e Kosovës, ka ndërmarrë 109 operacione lidhur me këto raste si dhe ka ndërmarrë një varg fushatash sensibilizuese për qytetarët, megjithatë kjo dukuri vazhdon të raportohet çdo ditë nga PK-ja.