Për fatin tonë të keq!

Nga Shefik Sadiku – Na u shurdhuan veshët duke dëgjuar rrahagjokset e liderëve dhe politikanëve se si do t’i fitojnë këto dhe ato zgjedhje.

Na shpuan timpanin e veshëve vartësit servilë të liderëve duke u çjerrë se si lideri im e jo i yti do ta fitojë pushtetin qendror e lokal.

Na topiten ndjenjat dhe arsyen mediat, televizionet, portalet, rrjetet sociale, analistët se Hasan Hyseni apo Hysen Hasani do ta fitojë qeverisjen katërvjeçare në X apo Y komunën periferike të Kosovës!

POR………POR…..POR….POR….POR !

As liderët, as politikanët, as vartësit e tyre servilë, as institucionet, as mediat, as analistët, MJERISHT, as institucionet shkencore, ndër to, FTKEQËSISHT, as demografët dhe për fatin tonë të keq askush, bash ASKUSH nuk po merret me të keqen tonë që po na rri mbi kokë, si komb, me shpopullimin e tokave shqiptare nga shqiptarët !

Askush nuk po qan kokën për shndërrimin e fshatrave dhe qyteteve tona në fantazma, që po ndjellin frikë nga mospranja e njerëzve në to!

Askush, bash askush nuk po flet, se jo më të veprojë, për t’i mbrojtur, të paktën, edhe ato pak klasa mësimore që kanë mbetur aty-këtu me 1 e diku me 2 nxënës!

Kështu gjithmonë kanë dashur fqinjët tanë grabitqarë të na shohin ! Kështu, sot, po na shohin.

A ky qenka patriotizmi ynë ? A kjo na qenka atdhedashuria jonë ?

AJME !