Për familjet serbe në Shillovë ndërtohen dy shtëpi

Gjilan – Qeveria,presidenca,komuna dhe zyra për kthim kanë ndihmuar dhe investuar në ndërtimin e dy shtëpive për nevojat e dy familjeve skamnore në Shillovë.

Të enjten me një ceremoni solemne ka nisur ndërtimi i dy shtëpive në Shillovë të Gjilanit, për nevojat e familjeve serbe. Qeveria,presidenca,komuna dhe zyra për kthim kanë ndihmuar dhe investuar në ndërtimin e dy shtëpive për nevojat e dy familjeve skamnore në Shillovë.

Në përurimin e këtyre dy shtëpive që kanë kushtuar mbi 40 mijë euro kanë marrë pjesë edhe Serxhan Popoviq nga zyra e kryeministrit për kthim dhe komunitete,Omer Daku nënkryetar i Gjilanit, Millan Stojanoviq nënkryetar për komunitete.

Omer Daku duke hedhur gurëthemelin tha se ndërtimi i këtyre dy shtëpive që po bëhet me participimin institucioneve kryesore shtetërore dëshmon për përkushtimin e madh që kanë ato për të përkrahur,ndihmuar dhe fuqizuar jetën e të gjithë komuniteteve në Gjilan.

Daku tha se ky përurim që po bëjmë sot është një storie e mirë dhe shembull se vërtet të gjithë komunitetet mund të jenë të lumtur.

Edhe Serxhan Popoviq nga zyra e kryeministrit tha se këto dy shtëpi janë model dhe realitet se në Kosovë mund të jetohet e punohet bashkërisht. “Ndërtimi i këtyre dy shtëpive tregon përkushtimin dhe seriozitetin e institucioneve kosovare për të ndihmuar familjet skamnore edhe nga radhët e komunitetit serb,por edhe të gjitha komuniteteve tjera” tha Popoviq.

Galip Hyseni përfaqësues i komunitetit rom që ishte i pranishëm në këtë ceremoni tha se ndihet shumë i gëzuar që më në fund po ndodhin këto investime.”Edhe tek komuniteti rom duhet të vazhdohet me këto investime. Realisht komuniteti rom është lënë anash sepse askënd nuk e kemi në qeveri” u shpreh Hyseni.

Millovan Stojanoviq nënkryetar për komunitete në Kuvendin e Gjilanit tha se ndihet shumë i gëzuar që në fshatin e tij po investon Qeveria e Kosovës.”E falënderoj nga zemra Hashim Thaçin e Atifete Jahjagën që e kanë përkrahur projektin tim dhe të fshatit tim. Tani pas asfaltimit të rrugës,dhe realizimit të disa projekteve Shillova ndihet më e lumtur” tha ai.

Ndryshe ndërtimi i këtyre dy shtëpive ka kushtuar mbi 40 mijë euro dhe u dedikohet familjeve që jetojnë brenda në Kosovë dhe që janë me gjendje të rëndë materiale./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).