Gjilan – Sabedin Shahiqi aktor me një përvojë 41 vjeçare është ndier i turpëruar për festen e Bajramit. Sipas tij ka pesë muaj që punëtorët e teatrit nuk kanë marrë paga.
Punëtorët e teatrit të qytetit nuk kanë ditur t`i gëzohen festës së Bajramit. Sabedin Shahiqi i cili ka një përvojë pune 41 vjeçare tha për rajonipress se është ndier keq këtë të diel meqë shumica e aktorëve nuk kanë marrë paga.
Shahiqi tha se fajet për këtë kaos në teatrin e qytetit i kanë përgjegjësit e komunës sepse subvencioni nuk është i garantuar e as i siguruar.”Vetëm gjatë fushatës zgjedhore jemi paguar me rregull. Tani as unë nuk e di a kam apo jo kontratë. Realisht për punëtorët e teatrit nuk ka pasur as festë as Bajram. S`i të festosh kur nuk ke mundësi një drekë për Bajram ta shtrosh në shtëpi”shprehet i revoltuar Shahiqi.
Ai mendon se aktorët e Gjilanit e kanë kryer punën me nder, por janë mungesa e financave që i komplikon gjërat.”Çelësi i zgjidhjes së problemit është tek kryetari i komunës” shprehet ai.
Sipas Shahiqit të gjitha pushtetet nuk po e njohin kulturën,nuk po e kuptojnë dhe po e injorojnë artin. “Mua po më vije çudi nga Qemajl Mustafa i cili sa ishte në biznes privat na përkrahte vazhdimisht e tani kur është në pushtet po e lenë anash artin” tha Shahiqi.
Madje ,Shahiqi thotë se po e ndien vetën keq meqë për 100 vjetorin e Pavarësisë ka pasur mundësi që teatri i Gjilanit ta realizojë një shfaqje kushtuar Idriz Seferit. “Asgjë nuk bëhet pa përkrahje dhe mbështetje materiale” tha i revoltuar Shahiqi./rajonipress/
