UBT

Për 8 ditë u konfiskuan 8 palë targa

/ 1 minutë lexim

Që nga hyrja në fuqi e ndalimit të qarkullimit në Kosovë të automjeteve me targa të vjetra, të cilat bartin shkronjat e para të qyteteve të Kosovës, janë konfiskuar targat nga 8 automjete.

Ushtruesi i detyrës së drejtorit të Departamentit të Operacioneve të Policisë së Kosovës, Shefqet Beqaj, ka deklaruar për mediat serbe në Kosovë se numri i targave të konfiskuara është simbolik.

Sipas tij, nga tri palë targa janë konfiskuar në veri të Mitrovicës dhe në rajonin e Gjilanit, ndërsa dy palë targa në Prishtinë, transmeton Radio KIM.

Hidromorava

Ai ka falënderuar qytetarët, të cilët, siç ka thënë ai, e kanë kuptuar dhe maksimalisht po i përmbahen ligjit.

Me vendimin e ministrit të Punëve të Brendshme të Kosovës, Bajram Rexhepi, nga 1 qershori i këtij viti, Policia e Kosovës do të konfiskojë targat dhe automjetet të cilat do të hasen duke qarkulluar nëpër rrugët e Kosovës, e të cilat bartin targa të vjetra me inicialet e qyteteve të Kosovës, të lëshuara nga MUP-i serb.