Gjilan – Mevlide Foniqi ka punuar hiq më pak se 43 vite në Emergjencë dhe është njëra nga motrat më të vjetra dhe më të respektuara. Sevdije Haziri Musliu ka falënderuar motrën Mevlide për kontributin e saj që ka dhënë gjatë gjithë kohës.
Infermierja Mevlide Foniqi ka përjetuar momente dhe emocione të përziera të premtën, ditën e fundit kur ajo duhej të përshëndetej me kolegët e punës. Ajo pas 43 vitesh ka dalur në pension me një bagazh të gjatë të punës së saj.
Përgjegjësja e Emergjencës Sevdije Haziri Musliu e ka falënderuar motrën Mevlide për kontributin e saj që ka dhënë për këto vite. “Ne jemi të lumtura qw motra Mevlide do e gëzojë pensionin e saj dhe tani i kthehet familjes pas kaq vitesh stazh si infermiere. Do na mungojë shumë sepse ajo ka qenë një profesioniste e madhe dhe një punëtore e dalluar” ka thënë motra Sevdije.
Kurse vet Mevlide Foniqi është ndier e befasuar nga takimi lamtumirës me kolegët e punës.”Janë momente të përziera sepse edhe mosha e bënë të vetën, por jam krenare që kam punuar dhe ndihmuar shëndetësinë gjilanase për këto 43 vite” tha motra Mevlide./rajonipress/
