Pensionohet aktivisti i kahershëm dhe zyrtari komunal Ramadan Ajvazi

Gjilan – Zyrtari komunal dhe aktivisti i palodhur i çështjes kombëtare Ramadan Ajvazi është pensionuar këtë të enjte në ditëlindjen e tij të radhës. Ajvazi ishte një nga aktivistët e rrallë që ndihmoi dhe përkrahu aktivitete të shumta në interes të çështjes kombëtare dhe ishte pjesë e degës së LDK-së në Gjilan, ku ishte përkrahës i madh i rendit dhe ligjit duke përkrahur gjithmonë forcat progresive.

Ramadan Ajvazi pas shumë vitesh punë e aktivitete të palodhura në interes të çështjes kombëtare, në ditëlindjen e tij të 65 ka dalur në pension.

Ajvazi i cili njihet si përkrahës i madh i shumë aktiviteteve dhe organizimeve në interes të Kosovës dhe çështjes kombëtare së fundit ishte zyrtar komunal në drejtorinë e Bujqësisë, pastaj pjesë e kryesisë së degës së LDK-së në Gjilan dhe përkrahës i madh i forcave për rend dhe ligj.

Ramadan Ajvazi pothuajse ka ndihmuar dhe lobuar për shumë organizime e aktivitete në kohën e okupimit të Kosovës nga Serbia dhe luftën e fundit duke ndihmuar UÇK dhe djemtë e Kosovës që luftuan në Luginë e Maqedoni. “Kam punuar gjatë në këto aktivitete edhe ilegale edhe legale dhe asnjëherë s`kam folur për vetën time. Ata që më njohin e din mirë se cili ka qen kontributi im në këtë drejtim dhe jam krenar që isha në ballë të shumë zhvillimeve e aktiviteteve për çlirimin e vendit” shprehet Ajvazi.

Ajvazi gjithashtu ishte edhe zyrtar komunal shumë aktiv në mbrojtjen e natyrës dhe pyjeve në Anamoravë duke u angazhuar vazhdimisht dhe në kontinuitet për ta mbrojtur natyrën e bukur që kanë fshatrat kufitare të Anamoravës./rajonipress/