Gjilan – Muharrem Bajrami kryetar i sindikatës së pensionistëve dhe invalidëve të punës tha se në muajin e Ramazanit do të ndihmohen mbi 150 familje me veshmbathje dhe gjëra ushqimore.
Pensionistët dhe invalidët e punës në Gjilan edhe pse në kushte të rënda,ata dinë ta ndihmojnë njëri tjetrin në ditët më të vështira. Muharrem Bajrami kryetar i SPIP tha për rajonipress se për këto katër vite kanë pasur mundësi që të ndihmojnë mbi 200 familje të kësaj kategorie.
Bajrami tha se tani kur janë në muajin e Ramazanit pritet t`i ndihmojnë edhe 150 familje me veshmbathje,miell,vaj,pasul,patate e gjëra tjera të domosdoshme për një familje pensionere.
Sipas Bajramit festa e Bajramit, por edhe muaji i Ramazanit do të ishte i papërballueshëm sikur në këtë kohë mos të kishin përkrahjen e shumë njerëzve solidar dhe donatorëve human.
Bajrami sërish kërkon nga bamirësit që edhe në muajin e Ramazanit ta ndihmojnë pensionistin e pakrah dhe të përbuzur nga shteti dhe institucionet kosovare.”Ne e dhamë mundin,kontributin,djersën dhe bëmë gjithçka për këtë vend,e në fund mbetem të mjerë e në harresë nga të gjithë” u shpreh Bajrami./rajonipress/
