Penda e Kremenatës dhe e Desivojcës po bëhen realitet, Kamenica e zgjidhë problemin e ujit të pijes

Kamenicë – Nënkryetari i Kamenicës z.Valon Maliqi, dhe ministrja e Mjedisit dhe Planifikimit Hapësinor znj.Albena Reshitaj gjatë një takimi të zhvilluar ditë më parë kanë konfirmuar se tashmë janë ndarë mjetet për të bërë studimin e fizibilitetit për Pendat e Kremenatës dhe Desivojcës.

Ky studim po mbështetet nga qeveria hungareze e cila ka shprehur gatishmërinë që ta mbështes financiarisht edhe ndërtimin e pendave me të cilat zgjidhet përfundimisht problemi i ujit të pijes në Kamenicë.
“Mungesa e ujit të pijes në Kamenicë është shqetësim i Ministrisë sonë dhe i qeverisë së Kosovës, kjo çështje është adresuar në ditët e para të punës sonë në ministri dhe po punojmë që ky projekt të filloj implementimin e vet në muajt e parë të vitit 2018” tha Ministrja Reshitaj.

Valon Maliqi, nënkryetar i Kamenicës e ka falënderuar Ministren Reshitaj për angazhimin e saj dhe të zëvendësministrit Fatmir Matoshi, që çështja e ujit në Komunën e Kamenicës të zgjidhet përgjithmonë.

Ky projekt kap vlerën prej 33.605.000,00 eurosh nga të cilat rreth tre milionë janë për punët përgatitore dhe 29 milion për ndërtimin e pendave të ujit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).