Peci-Abdixhikut: Kur flet në emër të shtëpisë, duhet të jesh i sigurt që e përfaqëson atë, sidomos kur ka potencial mospajtimi

Drejtori i KIPRED, Lulzim Peci, ka shkruar rreth zhvillimeve të brendshme në LDK sa i përket qëndrimit për zgjedhjen e Bekim Sejdiut president.

Peci ka thënë se në momentin kur flet në emër të shtëpisë, duhet të jesh i sigurt që e përfaqëson atë, aq më shumë kur e di që brenda ka potencial të madh mospajtimi.

“Kur flet ne emer te shtepise, duhet te jesh i sigurt se e perfaqeson ate, pavaresisht se formalisht mund te jesh i zoti i saj. Kjo vlene sidomos, kur je ne negociata e kur njekohesiht brenda saj ekziston nje mase kritike me potencial te madh mospajtimi, si eshte tani rasti me LDK-ne.

Perndryshe, ajo qe synohet te projektohet si “as” ne negociata, mund te shnderrohet shpejt ne dobesi, pasi situata del nga kontrolli, pozicioni negociator gerryhet dhe, ne fund, demtohet edhe vete fuqia politike e parties”, ka shkruar ai.

“Pavaresisht krejte kesaj, thellesisht jam i bindur se Dr. Bekim Sejdiu eshte kandidat me profilin e duhur per President te Republikes se Kosoves, dhe ate shume pertej aritmetikes se momentit te tanishem politik. Beka me se paku e meriton te kaloj neper krejte kete per shkak te interesave meskine brenda LDK-se dhe luftes per pushtet te brendshem!”, ka përfunduar Peci.