PDK s’i ka votat, dështon ta zgjedhë Arsim Bajramin Kryeparlamentar

Partia Demokratike e Kosovës nuk ka arritur ti mbledhë 61 vota për ta zgjedhur Kryeparlamentarin, pavarësisht se zyrtarët e saj vazhdimisht kanë thënë se kanë deputetë për ta siguruar pozitën e kreut të Parlamentit.

Deputeti dhe Nënkryetari i PDK’së dhe Hajredin Kuci e ka kandiduar Arsim Bajramin për kryetar të Parlamentit duke kërkuar nga deputetët që ta votojnë atë. Por, kur Kryesuesja e Seancës Flora Brovina e ka hedhur në votim kandidaturën e tij Bajrami nuk ka marrë votat e mjaftueshme.

Për të kanë votuar 44 depuetët , kundër 61, ndërsa kanë abstenuar 11. Ndërkohë Kryesuesja e ka ndërprerë seancën e cila nuk ka zgjatur më shumë se 5 minuta.

Kuçi propozon Arsim Bajramin për Kryetar të Parlamentit, dështon zgjedhja e tij

Kuçi e ka quajtur personalitet të shquar Bajramin që ka dhënë kontribut në shtetndërtim.

Ai u ka bërë thirrje deputetëve që ta votojnë, por zgjedhja e tij ka dështuar.

Për kanë votuar 44 , kundër 61, kanë abstenuar 11. Ndërkohë Kryesuesja e ka ndërprerë seancën.

Shumica e deputetëve të Kuvendit të Kosovës kane ardhur ne seancën konstituive të Kuvendit. Limaj nuk ka ardhur ne seance pasi ai është duke u ballafaquar me akuza për krime lufte.

Deputetët e Kuvendit të Kosovës kanë filluar të paraqiten në seancën konstituive që do të nis në orën 10:00. Deri me tash në Kuvendin e Kosovës kane ardhur deputetja e VV’së, Albulena Haxhiu dhe Kryetari i KDTP, Mahir Yagcilar dhe deputetja e LDK Besa Gaxherri. Në seancë kanë arritur edhe zyrtar të Ambasadës së Amerikës./express/