PDK pa unitet të brendshëm

Përderisa përpiqet që me çdo kusht të marrë besimin e partive opozitare për t’i nisur bisedimet me Qeverinë e Serbisë, kryeministri i Kosovës, Hashim Thaçi, duket se ka problem me konsensus të brendshëm të partisë së tij.

Është nënkryetari Fatmir Limaj, i cili ia ka prishur “busullën” kryeministrit, me qëndrimin e tij kundër dialogimit me ish-zyrtarët e Milloshoviqit, shkruan Zëri.

Ky qëndrim i Limajt ka shkuar në një segment me qëndrimin e dy partive opozitare, LDK dhe VV. Këto dy parti janë deklaruar kundër bisedimeve me Serbinë, duke i konsideruar ato të dëmshme për vendin dhe më pasojë fatale për veriun.

Sipas analistëve, Thaçi fillimisht duhet të ketë unitet në partinë e tij, e më pas atë ta kërkojnë edhe nga opozita.

Shpërndaje.
© RAJONIPRESS