PDK nuk ia futi paratë në xhep Xhavit Hajdarit

Gjilan – LDK ka mbrojtur dhe i ka shpërblyer “kuadrot” e saj, e sidomos ato që kanë qenë shkelësit më të mëdhenj të ligjit, uzurpatorët e pronës publike mu në mes të qytetit siç është Xhavit Hajdari, nga i cili në vend që të distancohet për keqmenaxherllëkun dhe për një seri keqpërdorimesh të tij në Spitalin e Gjilanit, ajo paturpësisht po e mbron edhe sot këtë njeri prapa grilave, duke i bërë fajtorë të gjithë për ketë.

“Dikush mund të ketë dëgjuar për një gjë, dikush tjetër mund të ketë parë, por për drejtorin e Spitalit Regjional në Gjilan, Xhavit Hajdari, nuk ka kush që nuk e ka parë, dëgjuar e nuk e ka ditur se çfarë është duke ndodhur në këtë Spital”.Kështu thuhet në reagimin e degës së PDK-së në Gjilan rreth akuzave të fundit që dha LDK-ja.

Sipas PDK-së vet personeli qendrës regjionale spitalore sa e sa herë është atakuar me sjelljet arrogante, fyese e të pamoralshme të këtij drejtori.,pacienti poashtu. Keqmenaxhim dhe keqpërdorim ekstrem kanë regjistruar në vazhdimësi auditorët, me firmën e drejtorit të spitalit Xhavit Hajdari, i cili bëri edhe shkelje flagrante të hapësirës së spitalit regjional të Gjilanit.

Sipas PDK-së ndodhi të kësaj natyre, po edhe të tjera të pakëndshme, gjilanasit kanë përjetuar edhe nga menaxher tjerë të LDK-së në shkolla e institucione tjera. Por, të mbrosh me kaq fanatizëm një amoralitet të këtij lloji, duke ia hedhur fajin të tjerëve, në këtë rast partisë në pushtet, PDK-së, policisë së vendit (mos na lashtë Zoti pa te), madje edhe ndo njërit prej gazetarëve të guximshëm, siç e bëri LDK-ja e Gjilanit, vërtetë është “non sens” dhe e tmerrshme!

LDK ka mbrojtur dhe i ka shpërblyer “kuadrot” e saj, e sidomos ato që kanë qenë shkelësit më të mëdhenj të ligjit, uzurpatorët e pronës publike mu në mes të qytetit siç është Xhavit Hajdari, nga i cili në vend që të distancohet për keqmenaxherllëkun dhe për një seri keqpërdorimesh të tij në Spitalin e Gjilanit, ajo paturpësisht po e mbron edhe sot këtë njeri prapa grilave, duke i bërë fajtorë të gjithë për ketë.

Nëse qëndron ajo çfarë u tha këto ditë në të gjitha mediet e shkruara dhe elektronike, PDK nuk ia futi paratë në xhep Xhavit Hajdarit.

Partia Demokratike e Kosovës dega në Gjilan, në vazhdimësi e ka ngritë shqetësimin e saj për gjendjen në Spitalin e Gjilanit si rrjedhojë e keqpërdorimeve të shumta nga drejtori Xhavit Hajdari, i cili, edhe përkundër deklaratave të pareshtura e shqetësuese për keqpërdorim, të pacientëve, stafit shëndetësor të spitalit, shoqërisë civile, etj, vazhdonte me komoditet të qëndronte në krye të këtij gjiganti shëndetësor për regjionin e Gjilanit, derisa u zu “me pelë për dore”!

PDK e Gjilanit, nuk merret me skenar të as një lloji, e aq më pak të këtij niveli, sepse dukuritë devijante në shoqëri i kemi thënë e denoncuar gjithëher hapur e publikisht.

Ndaj ne përshëndesim arrestimin e drejtorit të spitalit regjional të Gjilanit, Xhavit Hajdari, dhe inkurajojmë organet e rendit, hetuesisë e gjyqësisë, të veprojnë rreptësisht kundër krimit, të çfarëdo natyre qoftë. Në të kundërtën, do të jemi larg ndërtimit të një shoqërie të zhvilluar e demokratike thuhet në reagimin e PDK-së të nënshkruar nga Izmi Zeka./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).