PDK në Viti e shqetësuar me gjendjen e rrugëve dhe të hapësirave publike

Viti – Dega e PDK-së në Viti është e shqetësuar me gjendjen e rrugëve dhe të hapësirave publike, ku si pasojë e reshjeve të fundit e papërgjegjësisë së institucioneve komunale pothuajse është paralizuar liria e lëvizjes.

Tregu i kafshëve për dy javë radhazi mbahet në rrugën magjistrale Viti-Gërlic si pasojë e mospastrimit nga bora të këtij tregu dhe papërgjegjësisë totale të drejtorisë së shërbimeve publike dhe organeve komunale duke rrezikuar jetën e qytetarëve dhe duke penguar lëvizjen e lirë në komunikacion.

Dega e PDK-së kërkon përgjegjësi publike e institucionale nga organet komunale dhe marrjen e të gjitha masave për kthimin e normalitetit në gjithë territorin e komunës së Vitisë thuhet në reagimin e degës së PDK-së në Viti./rajonipress/