PDK në Kamenicë: Flamujt e LDK-së nuk janë djegur nga aktivistët tanë

Kamenicë – Dega e PDK-së në Kamenicë ka reaguar ndaj akuzave të LDK-së për djegien e flamujve dhe shiritit mbi rrugë në fshatin Hogosht.

Në reagimin e degës së PDK-së thuhet se ne si degë në Kamenicë nuk jemi në dijeni që ka ndodhur ky rast. “Me përgjegjësi të plotë deklarohemi se nuk janë djegur nga aktivistët apo anëtarët e PDK-së , por kjo është bërë nga individ të caktuar për qëllime të caktuara nga vetë personat e LDK-së me qëllim të propagandimit dhe për përfitime politike” thuhet në reagime e degës së PDK-së në Dardanë.

Kryesia e PDK-së kërkon nga organet kompetente që ndaj këtyre veprimeve të cilat janë të dëmshme për procesin Zgjedhor të ndërmerren masa dhe të gjejnë përgjegjësit./rajonipress/