PDK: Ekziston fryma pozitive për ta rikthyer fitoren në Gjilan

Gjilan – Gjithë takimin e karakterizoi fryma pozitive, dhe vullneti shumë i madh për ta rikthyer fitoren e PDK-së, në krye me kandidatin për kryetar z. Zenun Pajaziti.

Të martën kryetari PDK-se, Kadri Veseli ka zhvilluar takim me Shtabin Zgjedhor të PDK-së në Gjilan dhe me kandidatët për Asamble komunale.

Gjithë takimin e karakterizoi fryma pozitive, dhe vullneti shumë i madh për ta rikthyer fitoren e PDK-së, në krye me kandidatin për kryetar z. Zenun Pajaziti.

Në fjalën e tij, Shefi i Shtabit Zgjedhor të PDK-së, z.Riad Rashiti, theksoi se optimizmi për fitoren e PDK-se është kthyer, sikur në vitin 2007. PDK është alternativa e vetme serioze dhe zhvillimore për qytetaret e Gjilanit.

Kryetari i Degës, njeherit edhe Kandidati për Kryetar të Komunës se Gjilanit z. Zenun Pajaziti, i falënderoi strukturat e PDK-së, për përkushtimin maksimal dhe punën intensive që po e bëjnë çdo ditë në teren, për ta rikthyer dinjitetshëm fitoren e PDK-së në Gjilan. Pajaziti, theksoi se me fitoren e PDK-së, do të fitojnë të gjithë qytetarët e Gjilanit pa dallim.

Në fjalën e tij, Kryetari i PDK-së, z. Kadri Veseli ofroj mbështetje të pa rezervë, në të gjitha drejtimet, për kryetarin e ardhshëm të komunës së Gjilanit z. Zenun Pajaziti.

Duke diskutuar për zhvillimet e fundit, Kryetari Veseli u shpreh se qytetarët e Gjilanit, nuk duhet të manipulohen nga propagandat folklorike, që nuk kanë qëllime të mira për Kosovën.

Gjithashtu, ai përmendi edhe dështimet e shumta të kryetarit aktual, gjatë mandatit të tij qeverisës, duke theksuar se Gjilani meriton të udhëhiqet nga një kryetar që bashkëndjenë problemet dhe nevojat e të të gjithë qytetarëve të Gjilanit thuhet në njoftimin e sektorit për Informim ë Shtabit Zgjedhor të nënshkruar nga Ilir Tahiri./rajonipress/