PDK bën përpjekjen e fundit për shitjen e PTK-së

Qeveria e Kosovës është duke bërë edhe përpjekjet e fundit për të mos dështuar në procesin e shitjes së 75% të aksioneve në PTK. Këtë e ka në plan ta bëjë përmes votimit në Kuvendin e Kosovës të një raporti të Komisionit Qeveritar për Privatizim.

Të hënën kryesia pritet ta ketë para vetes kërkesën për kthimin në seancë të kësaj pike, pasi paraprakisht pozita e kishte tërhequr vetë nga votimi për shkak të mungesës së deputetëve.

Por nga Grupi Parlamentar i PDK-së, japin sinjale se ata i kanë të sigurt numrat për seancën e ardhshme dhe presin që çështja e votimit pas katër dështimesh përfundimisht të përmbyllet.

Kreu i grupit, Adem Grabovci, ka konfirmuar për Tribunën se votimi i kësaj pike do të kthehet në seancën e ardhshme dhe për këtë Kryesia e Kuvendit do të vendosë të hënën…(Tribuna).