PDK 37, LDK 30, VV 16, AAK 11, Nisma 6

KQZ-ja i ka publikuar rezultatet përfundimtare të zgjedhjeve të 8 qershorit. Nga 734.055 votues që kanë marrë pjesë në zgjedhje, PDK-ja i ka fituar 222181 vota apo 30.38 për qind, duke dalë partia e parë në Kosovë.

Pas PDK-së është renditur LDK-ja me 184 mijë vota apo 25.24 për qind, më pas Vetëvendosje më mbi 99 mijë vota apo 13.59. AAK i marrë 69 mijë vota apo 9.54 për qind, Nisma për Kosovën 37 mijë vota apo 5.15 për qind.

AKR i ka marrë 34 mijë vota, por nuk ka mundur ta kalojë pragun, pasi që në përqindje ka dalë 4.67 përqind.

Sa i përket numrit të deputetëve që partitë do t’i kenë në Kuvend, PDK-ja prin me 37 deputetë, LDK 30, VV 16, AAK 11, Nisma 6 dhe Lista Srpska 9 deputetë.