Pas shtatë dite del nga koma, Shaban Sadriu

Gjilan – Shaban Sadriu nga Sllubica e Gjilanit i plagosur më 7 gushtë të këtij muaji ka dalur nga koma dhe gjendja e tij shëndetësore është duke u përmirësuar thanë familjarët për rajonipress.

I plagosur në një pusi më 7 gushtë të këtij muaji, Shaban Sadriu(18 vjeçar) tek të dielën e ka ndier vetën mirë dhe ka dalur nga koma. Hasan Sadriu familjar i afërm tha për rajonipress se Shabani ka filluar të zgjohet dhe t`i vërej gjërat përreth. “Është fat i mirë që e ka edhe vetëdijen dhe po reagon si duhet. Është ende herët që ai të flas, por kjo për ne është një mrekulli pasi ai mund ta sqarojë edhe tërë situatën e ndodhur natën e 7 gushtit kur është plagosur për vdekje tek vendi i quajtur varrezat e muhaxhirëve “tha Sadriu.

Sadriu ndodhet në Qendrën Klinike dhe Universitare të Kosovës (QKUK), dhe është nën përkujdesin e përhershëm të mjekëve në dhomat intensive.

Ndërkaq ende nuk ka ndonjë rezultat rreth hetimeve që po bënë policia dhe prokuroria e Gjilanit rreth këtij rasti. Ismet Hashani zëdhënës i policisë tha për rajonipress se rreth këtij rasti deri tani janë intervistuar disa persona ,por aktualisht nuk ka të dyshuar./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).