Pas Gashit, Baselit mund t’i largohet edhe një shqiptar

Pas Shkëlzen Gashit, edhe Albian Ajeti mund të largohet nga Baseli. Rrugën e sulmuesit të Baselit, Shkëlzen Gashi, i cili gjatë këtij muaji pritet të gjej një skuadër të re, pritet ta ndjek edhe Albian Ajeti.

Baseli përmes faqes zyrtare ka konfirmuar se Ajeti nuk është pajtuar që të nënshkruajë kontratë të re me klubin, duke shtuar se ai mund të largohet gjatë afatit kalimtar të janarit.

“Me Albian Ajetin klubi i Baselit nuk ka mundur të arrijnë një marrëveshje për vazhdimin e kontratës, kontrata aktuale e së cilit i skadon në verën e këtij viti”, thuhet në komunikatën e Baselit.

“Kjo mund të dërgojë drejt një transferi të tij, kësaj i ndihmon edhe situata e tij e përgjithshme në klub. 18 vjeçari nuk është pjesë aktuale e ekipit të parë, dhe duhet të luajë me U-21 për pjesën e dytë të sezonit”, thuhet në komunikatën e Baselit.

Albian Ajeti më herët kishte konfirmuar se ka oferta nga disa klube nga Gjermania dhe Anglia./express/