Partia e Drejtësisë (s)del nga qeveria

Për jo pak anëtarë të kryesisë së partisë së vogël që mbështetet në parimet e Islamit, është mister cili do jetë epilogu i mbledhjes së kryesisë që është ftuar për të martën.

E-maili i dërguar nga zyra administrative e PD-së, dhe të cilin e ka “Zëri”, fton anëtarët e kryesisë që të marrin pjesë në mbledhjen e jashtëzakonshme të PD-së, ditën e martë, më 17 korrik, në lokalet e partisë.

Rendi i ditës thotë: Çështjet aktuale politike në vend dhe të ndryshme. Jozyrtarisht merret vesh se zyra administrative e kësaj partie ka thirrur edhe me telefon të gjithë pjesëmarrësit e ftuar me e-mail për t’u siguruar se të gjithë do të jenë aty.

“Kur u fut partia në koalicion, kjo gjë u bë me dëshirën e kryetarit dhe disa bashkëpunëtorëve të tij të ngushtë që tash janë me punë në Ministri të Shëndetësisë. Tash, që dëshiron të dalë prej koalicionit, duket se partnerëve në qeveri dëshiron t’u thotë: ‘Më detyroi partia’… Ky ka mundësi të jetë dhe epilogu i mbledhjes të së martës”, i ka thënë “Zërit” një prej zyrtarëve të Partisë së Drejtësisë..zeri

Shpërndaje.
© RAJONIPRESS