Parlamenti Evropian voton pro liberalizimit të vizave për Kosovën
RajoniPress
12:58, 13 Shtator, 2018
Parlamenti Evropian ka votuar pro liberalizimit të vizave për Kosovën.
Pro heqjes së vizave për Kosovën dhe qytetarët e saj kanë votuar 420 deputetë të Parlamentit Evropian, 186 ishin kundër dhe 22 absetime.
Raportuesja për Kosovën në Parlamentin Evropian, Tanja Fajon para fillimit të votimit tha se Kosova i ka përmbushur të gjitha kushtet për liberalizimin e vizave, dhe ka kërkuar votën e të gjithë eurodeputetëve të Parlamentit Europian që të votojnë me votë pro.
Tani radhën për të votuar këtë rekomandim e ka edhe Këshilli i Ministrave të BE-së. /Telegrafi/
