Parku i qytetit po përtërihet në pamje dhe shije

Gjilan – Dikur parku i qytetit ishte mburrje e një pushimoreje freskuese për të gjitha moshat dhe konsiderohej si ajrosje për mushkëritë. Një kohë të gjatë ky park u degradua tej mase dhe tani së fundit ka nisur të marrë një pamje pak më ndryshe. A do të kthehet pamja e mëparshme e këtij vendi relaksues.

Parku tani po mirëmbahet më mirë pasiqë zyrtarisht pas shumë zvarritjeve tenderin e ka fituar kompania “Elbau”. Ishin vite të tëra që parku nuk u mirëmbajt si duhet për shkak të relacioneve të këqija mes komunës dhe kompanisë “Eco – Higjiena”.

Drejtuesit e kompanisë “Elbau” premtojnë se parku dhe të gjitha hapësirat tjera gjelbëruese në qytet do të mirëmbahen në mënyrë profesionale. “kemi të angazhuar punëtor profesionist dhe besojmë që shumë shpejt parku i qytetit që llogaritet edhe si zemra e Gjilanit të marrë pamjen e mëparshme thonë përfaqësuesit e kompanisë “Elbau”.

Ndryshe parku i qytetit këto ditë po duket shumë më i mirëmbajtur dhe më i pastër, i mirëmbajtur dhe i tëri i gjelbëruar./rajonipress/