UBT

Paradokset e Albinit

/ 2 minuta lexim

Lëvizja Vetëvendosje ka kundërshtuar gjithmonë fuqinë vendimmarrëse të ndërkombëtarëve në Kosovë. Por sot, kur shënohet mbyllja e Zyrës së ICO’së – institucion ky që kishte fuqi madje edhe për shpërndarjen e Parlamentit – partia e Albin Kurtit duket se do ta refuzojë pjesëmarrjen në seancën parlamentare dhe festimet që do të mbahen për shënimin e kësaj dite. Për analistët politikë, veprimet e partisë së Kurtit janë të palogjikshme.

Në ditën kur pritet dhënia e dritës jeshile nga Grupi Drejtues Ndërkombëtar për përmbylljen e mbikëqyrjes ndërkombëtare të pavarësisë së Kosovës, seancës solemne të Kuvendit ka gjasë t’i mungojnë deputetët e Vetëvendosjes së Albin Kurtit dhe ata të Listës së Përbashkët Serbe të Rada Trajkovicit.

Përderisa kjo e fundit ka lënë të kuptohet qartazi se i druhet pavarësisë së plotë të Kosovës, Lideri i VV’së ka dhënë arsye të tjera, të cilat sipas tij, nuk lënë vend për festë më 10 shtator.

Kurti i ka shpjeguar ato në letrën dërguar shteteve të Quintit të shtunën duke thënë se deklaratat për përmbyllje të mbikëqyrjes janë mashtrim.

Mobi Casa

Argumenti kryesor i tij është vazhdimi i mandateve të misioneve ndërkombëtare që janë neutrale ndaj statusit, duke iu referuar atij të EULEX’it në Kosovë.

“Do të vazhdojë të strehojë brenda kufijve të saj misione ndërkombëtare të bazuara në Rezolutën e OKB’së që njeh sovranitetin e Serbisë mbi Kosovën, dhe në rastin më të mirë është e definuar si ‘neutrale ndaj statusit…”, ka shkruar Kurti në letrën dërguar ambasadorëve të SHBA’së, Gjermanisë, Francës, Britanisë së Madhe dhe Italisë.

“Nuk është koha për festime të rreme, të cilat janë duke u përdorur nga elita jonë politike, e korruptuar dhe e diskredituar për të zgjatur jetën e tyre në pushtet dhe për të mashtruar mizorisht popullin tonë”, ka shtuar ai më tej.

Shkrimin e plotë mund ta lexoni në Express…