Pajaziti uron Bashkësinë Islame dhe qytetaret e besimit islam

Gjilan – Me rastin e festës së Kurban Bajramit, Kryetari i degës së PDK në Gjilan, z. Zenun Pajaziti, me bashkëpunëtorë, vizitoi sot kreun e Bashkësisë Islame në Gjilan.

Gjatë urimeve të ndërsjella me kryetarin e Bashkësisë Islame, ef. Naim Aliu, Pajaziti, deklaroi: “Pavarësisht detyrave dhe përgjegjësive të ndara që kemi, ne, me Bashkësitë fetare, në këtë rast me Bashkësinë Islame, pikëprekemi në shërbimin për qytetarët tanë dhe për vendin në përgjithësi”.

Duke vlerësuar lart kontributin dhe sakrificën e Bashkësisë Islame në periudhat më të rënda, Pajaziti, shprehu mirënjohjen e tij dhe të PDK-së, ndërsa uroi qytetarët e besimit islam, për festë të begatë solidaritet ndërnjerezor dhe mirëqenie për të gjithë.

Ndërsa nga ana e tij, kreu i BI-se, ef. Naim Aliu, shprehu falënderim për vizitën dhe për bashkëpunim të ndërsjellë.