Pacollin e duan të gjithë

Gjilan – Në përurimin e kandidatit të AKR-së në Artanë mori pjesë edhe Behgjet Pacolli. Ajo që ra në sy ishte fakti se pas përmbylljes së tubimit pothuajse shumica e të pranishmëve bënë foto me Pacollin. Aty kishte të rinj e të reja, pleq e plaka. Me një fjalë Pacolli adhurohej nga të gjitha shtresat.

“Unë jam në familjen time dhe ndihem krenar që jam pjesë e kësaj ane. Kam ecur shumë nëpër këto territore dhe e di dhe e njoh çdo cep të Artanës, Kamenicës, Gjilanit, e Vitisë”. Kështu u shpreh Behgjet Pacolli të dielën në Artanë.

Por ajo që bëri shumë përshtypje ishte fakti se pas përmbylljes së manifestimit pothuajse shumica e të pranishmëve bënë selfie ose foto të përbashkët me Pacollin. “Për mua ishte një nder i madh që pata rastin të fotografohem krah për krah me presidentin” tha Eminja një studente.

“A ka më mirë se të jesh pranë njeriut më të pasur ndër shqiptarë dhe të bësh foto pa asnjë problem” thoshte një grua tjetër që së bashku me burrin dhe fëmijët bëri foto me Pacollin.

Aty ranë në sy edhe shumë gra të moshuara që kishin ardhur enkas për ta dëgjuar dhe takuar Behgjet Pacollin. Fotot e Rajonipress e dëshmojnë më së miri afërsinë që tregoj Pacolli me qytetarët./rajonipress/