Pacolli: Qeveria duhet të dorëhiqet
RajoniPress
14:19, 15 Tetor, 2015
Presidenti i AKR-së, Behgjet Pacolli, ka thënë se ngjarjet dhe pamjet e fundit në Kuvendin e Kosovës nuk i duhen vendit.
Ai ka thënë se gazi lotsjellës dhe situata e krijuar, nuk është e shëndetshme për askënd!
“Unë jam i bindur që ngjarjet dhe pamjet e fundit në Kuvendin e Kosovës, nuk janë ato të cilat i nevojiten vendit. Qytetarët e Kosovës sot kanë halle mbijetese, dhe Qeveria Mustafa ka dështuar që nga dita e parë. Për të shpëtuar vendin nga një krizë më e thellë, dhe nga trazirat të cilat i kemi afër, dhe duke parë menaxhimin e dobët të kësaj situate politike, unë mendoj që Qeveria duhet të dorëhiqet dhe vendi të shkojë në zgjedhje të reja”, ka shkruar Pacolli.
