Pacolli përballë presionit të PDK-së dhe LDK-së

Burime të sigurta të gazetës bëjnë të ditur se gjatë kohës sa kreu i LDK-së ka qëndruar në shtëpinë e Pacollit aty ka qenë i pranishëm edhe kreu i PDK-së, Hashim Thaçi, por në një ambient tjetër. Rritja e interesimit të PDK-së dhe LDK-së në raport me AKR-në duket të jetë tregues i ndikimit dhe fuqisë që kjo parti ka dhe mundësisë që ajo të vendos për qeverisjen e ardhshme.

Kreu i AKR-së, Behgjet Pacolli dhe ai i LDK-së, Isa Mustafa janë takuar të hënën mbrëma për të diskutuar lidhur me arritjen e marrëveshjes për një koalicion të mundshëm parazgjedhor. Takimi është zhvilluar në shtëpinë e Pacollit në Hajvali, derisa pjesëmarrës kanë qenë edhe ish shefi i Grupit Parlamentar të LDK-së, Ismet Beqiri dhe ministri në detyre i Zhvillimit Ekonomik dhe nënkryetari i AKR-së, Fadil Ismajli.

Takimi ka filluar rreth orës 23:00 dhe ka përfunduar pak pas mesnatës.

Sipas një komunikatë të përbashkët për media të LDK-së dhe AKR-së, thuhej se këto dy subjekte politike kanë zhvilluar takime intensive sa i përket bashkëpunimit për zgjedhjet e 8 qershorit.

“Pas takimit të sontëm ndërmjet kryetarit të LDK-së, z.Isa Mustafa, dhe presidentit të AKR-së, z.Behgjet Pacolli, LDK-ja dhe AKR-ja në parim janë pajtuar që programet e të dy palëve kanë ngjashmëri dhe garantojnë zhvillim të Kosovës, në interes të qytetarëve të Kosovës”, thuhet në komunikatë.

LDK-ja dhe AKR-ja, sipas njoftimit, do të garojnë të vetme në zgjedhje, ndërkaq detajet e bashkëqeverisjes pas zgjedhjeve do të konkretizohen në ditët në vijim.

Burime të sigurta të gazetës bëjnë të ditur se gjatë kohës sa kreu i LDK-së ka qëndruar në shtëpinë e Pacollit aty ka qenë i pranishëm edhe kreu i PDK-së, Hashim Thaçi, por në një ambient tjetër.

Rritja e interesimit të PDK-së dhe LDK-së në raport me AKR-në duket të jetë tregues i ndikimit dhe fuqisë që kjo parti ka dhe mundësisë që ajo të vendos për qeverisjen e ardhshme.