Pacolli: Nuk do të ketë familje pa asnjë të punësuar‏

Behgjet Pacolli, president i AKR-së tha se me qeverisjen e tij, secila familje në Kosovë do të ketë të paktën një të punësuar.

Në takim me banorët në Lugin e Baranit, tha se me AKR-në në qeveri nuk do të ketë familje që jeton në mjerim.

“Nuk do të ketë familje që jeton në kushte të mjerueshme si sot. Nuk do të ketë më familje në Lugin e Baranit dhe askund në Kosovë që nuk e ka as edhe një të punësuar”, premtoi Pacolli. Kjo sipas tij do të ndodhë me implementimin e programit të AKR-së që në vete parasheh plane konkrete për gjenerimin e vendeve të punës. “Unë sot po e kërkoj votën tuaj, jo për veten time por për krijimin e mijëra vendeve të punës vetëm në bujqësi, nëpërmjet krijimit të platformave Agroekonomike, dhe komplekseve industriale për të cilat e kemi planin e gatshëm. Ky plan në Lugin e Baranit do të jetë më i mirseardhuri që çdo familje të ketë të paktën një të punësuari qysh në vitin e parë të qeverisjes”, tha Pacolli.

Premtimin e njëjte e kishte edhe kandidati për deputet, Islam Pacolli.

“Nëse jo në Kosovë, ne do të mundësojmë që edhe në vendet tjera të punësohet nga një anëtar i familjes. Asnjë familje e Lugit të Baranit nuk do të jetë më pa asnjë të punësuar. Ne do të kujdesemi për ju”, tha Pacolli

Kandidati për deputet nga AKR-ja, Naim Maloku, u tha banorëve se ka ardhur koha që ti kthehemi punës për të punuar për mirëqenie më të mirë, për një zhvillim ekonomik.