Pacolli: Ne çrrënjosim korrupsionin

Gjakova dhe Mitrovica, do të jenë model i qeverisjes lokale në Kosovë. Kështu ka thënë presidenti i Aleancës Kosova e Re, Behxhet Pacolli. Madje, ai ka thënë se Kosovës i duhet një qeverisje që e di gjuhën e ekonomisë.

Sipas tij 2013’ta ka shënuar përparime për Kosovën, në aspektin e brendshëm dhe të jashtëm, por është i vetëdijshëm se ka pas ngecje në disa sektorë. Pacolli vitin që po e lëmë pas, e ka cilësuar si vit të suksesshëm të AKR’së, pasi në 2014’tën po nis qeverisjen e dy komunave, shkruan Epoka e Re.

Sipas Pacollit kryetarja e re e Gjakovës, Mimoza Kusari ka qenë dhe do të jetë e AKR’së. madje presidenti i partisë që fitoi dy komuna thotë se do të jenë kryetarët e tij të rinj që do ta çrrënjosin korrupsionin.

“Besoi se premtimet ekonomike të kryetarëve do të implementohet 100 për qind. Besoi se korrupsioni do të çrrënjoset në komunat që fituam ne dhe se ato do të jenë model I qeverisjes lokale”.