Pacolli çuditet me mosmarrëveshjet për datën e zgjedhjeve

Lideri i Aleancës Kosova e Re Behgjet Pacolli, e ka konsideruar takimin e sotëm të liderëve politikë si të padobishëm, sa i përket marrëveshjes për datën e zgjedhjeve.

Pacolli thotë se është çuditur me vështirësitë për tu marrë vesh për datën e zgjedhjeve.

“Aleanca Kosova e Re (AKR) nuk ka asnjë problem me datën e zgjedhjeve, por do donte që të miratohej reforma zgjedhore, ligji për Trepçën, etj. Ne nuk kemi frikë nga asgjë. As nga Tribunali, as nga arrestimet për korrupsion dhe as nga vota e pakënaqësisë së vëllezërve tanë të mërgatës,”ka shkruar Pacolli në profilin e tij zyrtar në Facebook.

Ndërkaq kreu i AKR-së dhe zëvëndëskryeministri i Kosovës Behgjet Pacolli, ka pyetur qytetarët se kur do ta shihin ata të arsyeshme datën e zgjedhjeve.