Pacientja në koma i mbetet ‘n’derë’ “Euromedit”!

Tash e pesë vjet ajo qëndron e shtrirë në një shtrat të Spitalit “EUROMED”, në Fushë Kosovë. Pacientja nga rajoni i Pejës, e lindur në vitin 1992, para tetë vjetësh kishte marrë një vaksinë.

L. Gashi, tash 21 vjeçe, kur ishte vetëm 13-vjeçare, si pasojë e asaj vaksine, kishte rënë në komë vigjilje. Pas kësaj, ajo nuk është zgjuar asnjëherë. Familjarët, në vitin 2005, e kishin dërguar për mjekim në Zvicër.

Por, pas shumë përpjekjeve për ta rregulluar vendqëndrimin, ajo ishte kthyer në Kosovë.

Në një raport të detajuar të menaxhmentit të spitalit “EUROMED”, që i është drejtuar të gjitha institucioneve të Kosovës, përfshirë Zyrën e Kryeministrit Hashim Thaçi, Ministrisë së Shëndetësisë, Ministrisë së Punës dhe Mirëqenies Sociale, Ministrisë së Punëve të Brendshme, e që e posedon gazeta Tribuna, tregohet se pacientja Gashi ishte vendosur në “EUROMED”, me kusht që pas pesë muajsh të largohej nga aty…(Tribuna).