Osmani: Problemet në politikën e jashtme tregojnë papjekuri institucionale

Përplasjet në mes zyrtarëve qeveritar në koordinimin e politikës së jashtme po cilësohen si papjekuri institucionale, e të cilat po i dëmtojnë objektivat e jashtme.

Kryetarja e Komisionit për Punë të Jashtme, Vjosa Osmani ka theksuar për Telegrafin se debati në mes ministrit të Jashtëm, Behgjet Pacolli dhe zëvendësministrit të MPJ-së, Gjergj Dedaj, po tregon se ata po punojnë në bazë të premisave partiake.

“Ata sillen sikur nuk janë në institucione shtetërore por në parti politike. Deklaratat e papërgjegjshme dhe të pakoordinuara mund të dëmtojnë rëndë interesin shtetëror. Prandaj është e domosdoshme që para deklarimeve të ketë paraprakisht koordinim me aktorët tjerë shtetëror të fushës së politikës së jashtme”, ka shtuar Osmani.

Ndryshe, deklarimi i ministrit Pacolli, gjatë turit të fundit të vizitave nëpër vende të Afrikës, ka deklaruar se Kosova synon të jetë pjesë e Organizatës së Bashkëpunimit Islam (OBI), derisa zëvendësministri i Jashtëm, Gjergj Dedaj e kishte kundërshtuar këtë mendim, duke thënë se Kosova nuk duhet të orientohet nga lindja dhe se Kosova do të shkojë drejt organizatave euro – atlantike, si NATO, Bashkimi Evropian (BE), etj. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).