Osmani: Kërcënimet ndaj policëve në veri vijnë nga Serbia dhe strukturat e saj kriminale

Presidentja e vendit, Vjosa Osmani ka dënuar kërcënimet e policëve të rinj serb në veri të vendit, gjersa thekson se kërcënimet e tilla vijnë nga Serbia dhe grupe kriminale.

Osmani në një postim në Twitter shkruan se kjo fushatë duhet të ndalet.

“Dënoj kërcënimet ndaj oficerëve të Policisë së Kosovës nga Serbia dhe grupet e saj kriminale. Policia jonë është profesionale dhe multietnike.

Kjo fushatë duhet të ndalet dhe autorët të dalin para drejtësisë. Ne qëndrojmë me policët tanë, ndërsa ata me guxim shërbejnë për një Kosovë më të sigurt për të gjithë”, shkruan ajo.

Kërcënimet ndaj policëve serbë në veri i kanë dënuar edhe kryeministri Albin Kurti, ambasadori amerikan, ambasadori gjerman, etj. /Telegrafi/