Gjilan – Nëse nuk e respekton marrëveshjen Jahjaga ajo çdo ditë për LDK do të jetë presidente e PDK-së sepse ajo nuk e përfaqëson unitetin politik dhe qytetar ka thënë Vjosa Osmani.
Vjosa Osmani nga kryesia qendrore e LDK-së e ka shfrytëzuar një takim të anëtarësisë në Gjilan dhe një konferencë të Lutfi Hazirit për të sulmuar Atifete Jahjagën dhe Hashim Thaçin.
Osmani nga Gjilani i ka quar selam Jahjagës, që nëse ajo nuk e respekton marrëveshjen për LDK çdo ditë e më tepër ajo do të jetë vetëm një presidente e PDK-së, meqë nuk e përfaqëson unitetin politik dhe qytetar. Osmani tha se LDK ka kërkuar rregullisht nga autoritet relevante që ta respektojnë marrëveshjen edhe Jahjaga edhe Thaçi.
“LDK vazhdon të kërkojë nga presidentja që të hap rrugë për zgjedhjen e presidentit dhe mbajtjen e zgjedhjeve parlamentare në vitin 2013” tha Osmani.
Osmani tha se në shtator pret një presion opozitarë më të ashpërsuar. “Ky ashpërsim bazohet edhe në përkrahjen që LDK e ka nga anëtarësia dhe kryesia qendrore”. Sipas Osmanit opozita do të ketë strategji më të ashpër, në të kundërtën nëse nuk respektohen marrëveshjet e kërkuara nga ky subjekt politik, atëherë askush nga ne mos të pretë vota në Kuvend tha Osmani.
Osmani tha se tashmë opinioni qytetar e ka të qartë se ndryshimet kushtetuese janë procese të ndara me reformën kushtetuese./rajonipress/
