Gjilan – Qendra Rajonale e OSBE-së në Gjilan, ka organizuar një vizitë studimore për shkëmbimin e përvojave më të mira në Komunën e Gjilanit me zyrtarët komunal nga Gjilani, Hani i Elezit, Novobërda dhe Ranillugu.
Ky aktivitet është pjesë e projektit të OSBE-së “Përkrahja në shkëmbimin e përvojave më të mira në mes të zyrtarëve të të njëjtit nivel të komunave nga rajoni i Gjilanit”. Vizita studimore është aktivitet përcjellës i punëtorisë së mbajtur në qershor 2012 mbi prezantimin e përvojave më të mira nga zyrtarët e komunave të rajonit të Gjilanit.
Çështjet e identifikuara gjatë prezantimit kanë siguruar një informacion nga dora e parë për komunat e interesuara për vizitë studimore. Komuna e Gjilanit, respektivisht zyrtari për punët e Kuvendit Komunal, Sadri Arifi ka përgatitur rendin e ditës për vizitë, ka siguruar përkthimin, ka identifikuar vendin për diskutim lidhje me përgatitjet dhe zhvillimet e mbledhjeve të kuvendeve komunale dhe komiteteve, publikimi i punës së kuvendeve komunale dhe komunikimi brenda komunës.
Vizita studimore është perceptuar shumë mirë nga pjesëmarrësit, të cilët kanë falënderuar OSBE-së për iniciativat e tilla, në të cilat kanë pasur mundësi që të mësojnë shumë nga njëri-tjetri, përmes shkëmbimit të përvojave më të mira../rajonipress/
