Opozita mblidhet natën për të koordinuar kundërshtimin ndaj Speciale

Përgatitjet për ditën e premte kur do të votohet pro ose kundër themelimit të Gjykatës Speciale që do të gjykojë krimet e luftës së fundit në Kosovë, kanë nisur më herët.

Deputetë opozitarë bashkë me krerë të partive të tyre, janë mbledhur sonte rreth orës 22 në një nga hotelet e Prishtinës për ta diskutuar mënyrën se si do ta kundërshtojnë miratimin e këtij projektligji.

Ramush Haradinaj i AAK-së dhe Visar Ymeri i Vetëvendosjes kanë treguar për KTV-në se takimi ka qenë koordinues për opozitarët rreth vendimit për Gjykatën Speciale.

Kundërshtimi është epilog i takimit, e i njëjtë do të jetë edhe ditën e premte, kanë thënë ata.